Restaurant Simplon va hie

Info

Ds Ässu und ds Triichu va hie, derzüee di Gaschtfreundschaft va hie, dass isch ds Simplon va hie!

Chumm wier gää zum Atschi!

Geschichte

Ds Ässu und ds Triichu va hie, derzüee di Gaschtfreundschaft va hie, dass isch ds Simplon va hie!

Chumm wier gää zum René!

Hets bis afangsch Summer gheissu, wemu im Ried ikeert isch. Mit Lib und Seel het är als angaschierte Gaschtgäber zämu mit der Danielle über 40 Jaar im Simplon gwirtut. Jez het är mit der Ubergab an iisch derfir gsorgt, dass di Tradition vannera Gaschtstuba inner Famili Zurwärra ini dritt Generazion geit.

Bigeischtrig het iisch agitribu, der Schritt ds machu und ds Simplon ds ubernäh. Wier hei sus ine letschtu Monät sanft renoviert und zwäg gmacht.

Wier hei öi vill über ds Ässu nahgideicht und derbii üssagfunnu, was hitu iisch alle immer wichtiger wird. Wier süeche wider ds Ächta, ds Unverfälschta, währschafti Choscht, ohni Schniggschnagg. Wie währis mit Grotschutte statt exotische Fricht, Heiperchochchüechu statt Ananastorta?

So wie d`heimelig Ambias vam Reschtorant und dr niiw Terass isch eu d`Chuchi, es Stuck gläbti Walliser Kultur: Bi aller Finess und Kreativität, eifach, natürlich und ursprünglich. Ufer Menücharta gits traditionelli Walliser Gricht, frisch züebireitut mit iheimische Produkt, liebevoll präsentierti Schpiise, ds Beschta va hie.

Jez is sowit, wier starte durch! Mit Freid und Gaschtlichkeit wellewer eww ds niiw Reschtorant zeige. Chämed und gschpiret zämu mit iisch di bsunners Atmosfähra und Frindlichkeit wa ds niiw Simplon va hie üstrahlt.

Chumm wier gää zum Atschi!